Munggahan atawa naon bae disebutna, teu aya hukum-hukumna acan. teu kaasup sunat komo-komo wajib, ngan munggahan mah salah sahiji tradisi. Salah sahijina di kampung kuring Sindangkasih Kab. Ciamis.
Rupa-rupa cara masyarakat ngaekspresikeun munggahan, diantarana aya nu ;
- Mandi beberesih diteruskeun maca al-quran
- arulin jeung balad-balad salemburna
- Ngaraliwet jeung loba keneh macam na.
Biasana tempat rekreasi nu paling loba di jug-jug.
Lian ti murah oge bisa hiburan babarengan jeung kulawargana, diteruskeun kana botram (makan bersama) jeung timbel nu geus disiapkeun di imah saacana.
Aya oge nu indit k makam meresihan makan karuhun.Lah pokona mah rupa-rupa, nu ka kaler, ka wetan, ka kidul, ka kulon pating suliber nu leumpang geus karuh kandaraan mah macet hese meuntas-meuntas jalan acan.
Ngan kuring mah BNI, tapi lain Bank Negara Indonesia.
Tapi BNI = Bagean Nunggu Imah.
Hmmmmm ditarimakeun we da geus kumaha deui, kabeneran buruan imah barala geus we munggahan nu ayeuna mah ngored.
Ngan biasana mah munggahan tahun memeh-memehna jarang aya di imah,
aprak-aprakan ngumbar karesep/ulin.
Ngan batan udar-ider kaluar oge teu puguh-puguh bisi we matak ceuk kolot ge, mending beberesih.
( nu puguhna mah bokek sureke ).
0 komentar:
Posting Komentar